جاي بيسأل قلبي ماله.!!!!
غاب ف لحظة إيه جراله!
واللّٰه ضحَّكني بسؤاله.!!
قُلت قلبي كان عبيط
كان بيخلص م الوريد
عمره مرّة ما رَد إيـد
مهما قسيوا يقول وماله
قلبي كان عايش في نار
دوَّقـوه طعـم المـرار
جـه ف لحظة وخد قرار
إنه ينسى يوم ما وَجَعه
ينسى كل اسباب مواجعه
بس عارف لمّا رجعـوا
كان مابينا الف تــار
حَــد فكّــــر مرّة انّـه
يقول خلاص هستحمله.!
حد قرب من مشاكله
وقال لايمكن اهمِــله.!
حد طبطب بالحنان.!
حد حسسه بالأمـان.!
حد كان جنبه زمان.!
ياخــد ايديـــه ويكملّه.!
حد حس بوجعه لمّـا
خد مشاعره وراح بعيد.!
حد فكّر يوم يقولّه
انت ليه عايش وحيد.!
حد حس ف يوم بغلبه.!
حد فكّر يبقى جنبه.!
بس عارف كل ذنبه!!!
ان عمره ماكان حديد 💔
#ضحّكني_السؤال 🤣
#أسماء_كامل
الجمهورية أون لاين
0 التعليقات:
إرسال تعليق