أمنية موت
الليل بيطول ..
ويصاحبه هموم ..
والحال دلوقت ..
مابقاش مفهوم ..
لا القهوة بتنفع ..
ولا شعر يفيد ..
الذكرى بتوجع ..
والناي مكتوم ..
مليان بهموم ..
والحزن يا صاحبي..
عمال بيزوم ..
الليل دة بخيل ..
باخل بالنور ..
وكأن النور ..
محجوز ورا سور ..
النور بيزول ..
هيجيلك وقت ..
هتنام وتقوم مستني تموت ..
هتعيش ف سكوت ..
وهتصبح أكبر أحلامك ..
أمنية موت ..
الذكرى هتلعب دورها معاك ..
واليأس ملازمك فين ماتروح ..
هتبوح للروح عن سر قديم ..
هتعيش مدبوح من ظلم الناس ..
لا صحاب هتفيدك ف طريقك ...
جرحك هيكون وحده صديقك ..
صدقني يا صاحبي وبالتأكيد ..
الدنيا دي داير مايدور ..
لو جاك إحساس إنك مظلوم ..
وان الظالم لو حس ف يوم انه الهازم ..
هيجيله اليوم ويبات مهزوم ..
هيجيك الوقت وتتمنى ...
لو ان الدنيا دي ترجع بيك ..
أو بس تلاقي في حد شاريك ..
أو حد برئ ..
وهتاخده صديق ..
هيكون جنبك أوقات الضيق ..
أو انك تصحى ف يوم ع الموت ..
هتنام وتقوم مستني تموت ..
هتعيش ف سكوت ..
وهتصبح أكبر أحلامك ...
أمنية موت ...
0 التعليقات:
إرسال تعليق