وكأن الشعر شوية ريش
بيغطي الجرح مايتلمش
ولا صوته ف قلبي مابيصحيش
أحلام جوايا بتتهمش
لاهو عارف يستر عري الروح
ولا عاد من أهلي ومن ناسي
الشعر خلاص
مابقاش بيقدر إحساسي
وانا لسه بوشي الخام بضحك واوهب أشواقي اللي بتحبي
لوشوش الناس اللي اعتادت
تشرب من دمي وأنفاسي
وانا نايم لسه ف حضن الليل
وبيكسر بوحي حدود السما
ومصدق ان انا لسه هاعيش
وازرع سكتي أشواق مغرمة
بتخش زوارق كل الناس
بكلام وسواس
ينزل من حلمي كطير مدبوح
وكأن الشعر مصر يبوح
بدموع ف الروح مابتشبعنيش
الشعر ماعادش بيطفي دموعي وأحزاني
الشعر خلاص ....
مابيسترنيش
.........
محمد الطنطاوي
0 التعليقات:
إرسال تعليق