واداري ف لوعتي وحيرتي
وشيبتي اللي بتنخر عمري زي السوس
وحلم اشتاقتله وسابني
طريق بمشيه وفوق كسر الأماني بدوس
وانا المحبوس ف حرماني
بشوفك ضي جاي بعيد
اداري ف وشي م التجاعيد
واحبك بس مااحلمشي
واداري ف لهفتي وامشي
الاقي العمر راح ليك
وجوه القلب ألف لسان بيترجى الأمان فيك
لا عمري بلعت أشواقي
برغم ان السكات مفروض
وتد زنهار على ضلوعي
ولا كان الكلام طوعي
بيعصر حزمة الأحزان ويسقيني الألم واسكر
ماكنتش بعزف الأوجاع على الحلم اللي متفسر
ولا بحسبها من عمري
ولاقلبي اللي متعلق ف أحلام الهوى الدايبة
مرجعني لسنين خايبة
لا داقت مر أيامي
ولا بتلحق عيوني تنام وتشبك وصلك الدافي ف بواقي الشيب
وكان طيفك بيفرش عمري قدامي
ويوصل ف اللي متبقي لحدود الغيب
اخبي ازاي
وكان يمطر شروقك ضلة الحواديت
يا بوح اخضر ف توب العيد
ببوح وعنيك تسمعني
وجواكٍ الحنين نساي
محمد الطنطاوي
0 التعليقات:
إرسال تعليق