حكاية اتنين ب يتفارقوا
وكان الشر ثالتهم
وكان الحلم في الخطوة
اللي بتودي لباب بيتهم
وعهد الله انا العاشق
وانا والشاري
ومش عايزك
تكوني شئ غير اللي رسمتة في خيالي
ف مش عايزك تكوني الرمح والرماح
ومش عايزك تجيني
ولو بالصدفة علي بالي
واولالي
اكمل عمري انا معشوق
والاقي في الغريق الطوق
والاقي الحب في حلالي
فمالك كان ومال الحب كان مالي
ف ردت رد لردوده
وكان الرد ده قوال
وقالت حبك اتسمم
ومات مخدوع وكل إهمال
رميت الحب من جودك
فاتوه أنا مني في وجودي
ف اقول للحب بزيادة
واقول لكرامتي لا عودي
وساعات العظمة
تضحكلك.... وتكتب شعر ابنودي
لا أنا عارفة
سواء طيب وسواء عاشق سواء مجنون
ولا حاسة بأمان حضنك
ولا في حبك في طعم ولون
ف فلملم تاني في مشاعرك
شوف الف مين يحتاجلها
ف قطع كلامها وقالها
أنا لين مشاعري وعندها
أنا كل حاجة وعكسها
ابو قلب طيب والغبي
وانا أغلي شئ على كوكبي
ومهما مال في الحب بختي
بعشق خيارتي ومكسبي
مش ب العدد ولا بالسنين
ولا باشتياق ولا بالحنين
ب ازاي يا حب تكون لي حب
تقوم تصب الكاس حزين
اشرب أنا مش بالهنا
والقي الجروح تنزف انين
يبقي انتي اصلا
م البداية مش حبيبتي
طب ردي قولي بسرعة
جاوبي انتي مين
مستغربك
عقلي في ذهول
عاتب علي القلب
اللي كان مستقربك
شايف مهارة في الجحود
مين درَّبك
مشكورة يامركب حياتي بتبعدك
ورجيم شيطاني
وعدته اني ما اقربك
ما أغربك
يحكي الحب ان راح مش جاي
قلت الحب ده مش موجود
احكي كلامي لنغم الناي
تبكي قصيدة ف رنة عود
وانت ياقلبي هتصفي ازاي
ياللي حليم قالك موعود
فضلت سوما ليلاتي
تهاتي
يا اخواننا للصبر حدود
بيني حبك بعد مماتي
واكتبي شئ لحبيب مفقود
صفو النية من ترياقها
صفي النية مع اللي خلقها
والله الحب ده عمره ما فرق
بين العاصي وبين التايب
بين الشاطر ولا الخايب
بين الشاب وبين الشايب
بين الشايب والمولود
......
محمود القصبي
0 التعليقات:
إرسال تعليق