رمضان مهلا لا تغادر مضجعي
فحياة قلبي فيك كل حياتي
رمضان إني مغرم ومتيم
بجبينك الوضاء والقسمات
رمضان فيك تفتح الجنات
ويغلل الشيطان بالصلوات
ويجيب ربك دعوة من ساجد
وينزل الرحمات والبركات
فإذا شكوت بلية أو غمة
الله يكشفها بغير أناة
والله يجزي بالصيام عباده
ويذلل العقبات والعثرات
طوبى لمن بلغ الصيام وشهره
ياسعدمن يحظى بذي النفحات
^^^^^^^^^^^^^^
خالد إبراهيم
أنَا لَحْنُـكِ الْمَنْسِـىُّ فِـى سَفْـحِ الْهَــوَى
وَحُـدُودُ عِشْقِـى........ أَنَّنِـى أَهْـــــوَاكِ
**
أَنَا نَبْتـُكِ الْــوَرْدِىُّ فِى زَمَـنِ الْجَــوَى
وَشُـــرُودُ ذِهْنِـى ... شَـــدَّنِى لِلِقَــاكِ
**
أَنَا صَمْتُــكِ الْمَعْفِـىٌّ مِــنْ قَبْـلِ النُّـوَى
وَجُمُــــودُ حُبِّــى ..بِالْــوَفَــا نَجْــــوَاكِ
**
أَنَا هَمْسُــكِ الْمَغْشِىُّ فِى لَيِـلِ الْطَلَىَ
وَعُــزُوفُ قَلْبِــى بِالشَّـــدَا يــَرْعَــاكِ
**
أَنَا بَعْثُكِ الْمَهْــدِىُّ فِى سَــاحِ الصَّدَىَ
وَبُــزُوغُ فَجْـــرِى بِالْهُـــدَىَ يَلْقَــــاكِ
**
أَنَا وَصْفُكِ الْوَرْدِّىُّ فِى لَحْظِ الصَّفَى
وَأَذُوبُ شَـــوقا .. لِلْمُنَــىَ رُحْمَـــاكِ
**
أَنَا شِعْــرُكِ الْمَــرْوِىُّ فِى وَقْتِ الْلُقَـا
وَأَنِينُ قَلــْبٍ يَحْتَــوِيِــــــــــهِ نِـــــدَاكِ
**
أَنَا لَـونُــكِ الْخَمْري ُّ يَا قَصِْـــدَ الْمُنَـىَ
نَظَــرَاتُ بَــوحٍ .. تَرْتَجِــــي لُقْيَــــــاكِ
**
يَا وَرْدَةَ الْجُـــورِىِّ تَـرْتِيــلُ الْهَـــــوَى
قَسَمَــاتُ شَــوْقٍ بَعْــدَ أُنـْسِ صَفَاكِ
**
يَا هَمْسَــةَ الْحُــورِىِّ تَقْبِيــلُ النّـَدَى
وَهِتَــــافُ عُمْــرِى فَرْحَةٌ بِهَـــــوَاكِ
**
قَــدْ بَاتَ قَلْبِي مِـنْ فــُرَاقَكِ يَلْتَوِي
وَالْعِشْــقُ أَنِّي هَــائِــــمٌ بِسَمَــــاك
........
علي عبد العليم
حتى لو قلبي اللي قالها
اصلك انتى بجد نعمة
مستحيل اوصف جمالها
لو تعدى زى .......نسمة
الورود تطلب ....وصالها
او تهدى زى......... نجمة
السما تتمنى .......نورها
قربى شوقك...... بهمسة
وشوشى الموجة ف بحورها
طبطبى يا ارق...... لمسة
ع........... الجراح نسيها ويلها
الرموش ف عنيكى راسمة
فرحة والأحلام ......دليلها
مش هصدق فيكى... كلمة
حتى لو قلبى اللى..... قالها
.....
محمد عبيد
سبحتُ كثيرًا غارقةً بسيل دموعي، غصتُ فى دائرة مظلمة إلا من ضوء خفيف، مسلطًا عليَّ عود كبريت قد سبق إشعاله، فرحتُ أنفخ فى رأسهِ المحترقة، فأشعلته بأنفاسي وسمعتُ صوتًا خفيًا ،يقول لى انفخي ثانياً؛ فعلتُ، فزادت شعلته وكأنها شمعة، ظل مشتعلًا ولم ينقص من طوله شيئا، وأنا متيقنةٌ أنه ليس حلماً، ولكننى كنتُ شبه هائمة وخيطٌ رفيع لضم اليقظةَ بالحلم.
لم أعد أدرك أيقظة أنا أم لا، أشعر بجسدي مسترخيًا على سريري، أسمع همسي يهرول "لا إله إلا الله"، ثم رأيتُنى نائمة.
حكيتُ لصديقتى فقالت: هذا حلم بدا لكِ كأنه حقيقة.
تركتها تتحذلق بكلام سقط من أذني، سلبتني منها ذاكرتي التي تقلب صورًا، فشاهدتني يوم كنتُ منفطرة من البكاء، أضربني بحذاءٍ أنيق دنسّه الطين، أناجي الرب: أحتاجك يا الله، أخشى أن أكون ممن ختمت على قلوبهم.
أنهكني الحزن ؛احتضني النوم، رأيتني
أهرب من أهل الأرض إلى حبل نوراني، تسلقته حتى صعدت إلى السماء، فى نهايته أبهرني نورٌ مبدع للناظرين، وسمعتُ صوتًا يحدّث قلبي بصمت، انشرحتْ روحي، وكلما عدتُ إلى الأرض تعود روحي مثقلة فيجذبنى ذلك الضوء إلى السماء!
هزتني صديقتى: هوووه، إلى أى مدى شرد ذهنك؟
ودعتُها وانصرفتُ كالمجذوبة.
قضيت اليوم بروتينه الممل بين تنظيف منزلي و تصفح سريع للنت بأخباره وأشخاصه الأكثر مللا.
عثرت على منشور من دار الشروق ينوه عن رواية "كيميا"، برقت عيناي، لأنها من عبق عطر حبيبى شمس التبريزي.
قرأتُ البعض من سطورها، و زادت بهجتي حين دلتنى سطور الكاتب على رواية "بنت مولانا".
وسرعان ما قمت بالبحث عن الرواية و حفظتها فى ملفات مكتبتي الإلكترونية.
عدت أحلق بين صفحات رواية كيميا، أنتظر سيرة حبيبى شمس التبريزي، أغلب الروايات الأخرى تشعرني بملل، تجعلنى أنظر لعدد الصفحات بثقل و ألقى بها، أما إن حظيت برواية بها سيرته أو الصوفية أتمنى ألا تنتهى. جاءني اتصال شيطان العشق مهددًا توبتي بدس نفسه الخائبة لنفسي: اشتقتُ لما بيننا.
فأفلحت بتزكيتها فأردفتُ: لم يتبق بيننا إلا صلاتين، صلاة الجنازة والاستغفار.
-مش فاهم!
لم أبالِ به وعدت لشمسي.ظهرت الشعلة مرة أخرى وقد صارت نورا ساطعاً ، خيم عليَّ طيفُ لشيخ يرتدى ثوبا و شالا أبيض، أسرعت بتدوين ما حدث؛ فاختفى طيفُ الشيخ رغم أننى أشعر بأنفاسه.
..........
دعاء شكري
كانت تصاويرهم فى عيونها
هي الأبطال
لرواية الليلة في وحدتها
..
أدى صورة لواد
ماسك فى إيديه طيارة و خيط
و دى بنت بترسم و تشخبط بالجاف ع الحيط
و دا واد لابس بدلة ظابط
و النجمة بترقص على كتفه
و دا راجل محنى
و بإيده
ماسك فاسه
و بتشرب من عرقه الطاهر
زرعته ف الغيط
و دى صورة بتجمع أب وأم
و كمان ويَٓاهم في الصورة
أطفال حالمين
بإيدين حاضنين
أكتاف بالحب تحن تضم
..
مرت بعنيها على التصاوير
و خدتها الذكري لوقت حرير
فارتعشت أوصالها الواهنة
من برد الوحدة القتَٓالة
و سنين الهم
قفلت و الدمع على خدودها أوضة أولادها
قفلت
على ذكرى ما ينفع ليها رجوع
و الحزن الساكن فى ضلوعها
يسأل وبتسأل وياه
الحبل السري اللى ما بينا
أزاى تقطعه أيام وسنين؟
أزاى بيجيلكوا ف ليلة النوم
واللى اداتكم نبض حياتكم
قلبها مهموم؟
أزاى بيكون شكل الأحلام
و انا من خوفى وقلقى عليكم
بيعدى الليل ولا شوفش النوم؟
وعينيَٓا تركز ع التليفون
و أقول دلوقت أكيد هيرن
و اسمع صوتهم و أنام فى سكون
أنا مش باعتب
و لا زعلانة
من كوني بابات فى ليالى بئن
م البرد القارس
و جعانة
و الرعشة الساكنة ف إيدي
بتوقع مني الميه
و أنا باخد بيها دوايا
و امَٓا هدومى اتبلِٓت منها
ماقدرتش اغير و ألبس لى عباية
.. .. ...
كنت أتمنى تكونوا معايا
و معاكم
أتغطى بأحضان دفيانة
مش مرة وحيدة فى طول العام
تقولوا لي
ربي يخليكِ
يخلينى لمين؟
لجدار أسمنت؟
لأثاث البيت ؟
للذكرى فى تصاوير ملزوقة ع الحيط؟
.. .. ..
ده سؤال هيكون منى إليكم
و إجابته ...
إجابته ما تلزمنيش بدموع
يوم ما تنادوا يا أمى تعالى
نتمنى بس دقيقة رجوع
همت مصطفى
عاجزة الحروف ..
عن وصف حالك بالتمام
حاسس بحالة إنفصام
حاسس بحالة إنهزام
حتى القلم غضبان عليك
تمسك إيديه فـَ يسيب إيديكـ
فَضحاكـ عينيكـ والخوف ماليكـ
من حاجة أصلاً مبهمة ..
مِستَسلمة فيكـ الحاجات
رافعين رايات الذل من بعد الشموخ
جواكـ شروخ ..
وبقيت تدوخ ..
من نظرة واحدة للسما
يحيا العمى ..
يوم ما النظر ..
مَايشوفش ضي الشمس في عز النهار
والضلمة تعلن ل انتصار ..
والانكسار يدخل سبق
مستني إيه ؟!
إصدِر قرار ..
واعلنها فوراً عـ الملأ
قول ألف لأ أصلكـ جبان
سيب الميدان كُلكـ عيوب
ميت ألف عار ..
إنك تحارب .. وانت مش قد الحروب
الحل دايماً للنعام وقت الخطر ..
هو الهروب
إنفد بجلدكـ وقتها ..
وادفن دماغكـ في التراب
واوعى السراب ..
يِلهيكـ وتنسى جتتكـ
طب مين هَيستر عورتكـ ؟
وابقى افتكر ان الغراب هو البطل
أيوه الغراب هو البطل ..
وقت امَّا دارى سؤتكـ
يا حسرتكـ مليون آسف على حضرتك
على عمر قًضّيتُه هباء
والانحناء مكتوب عليك
فـَ مفيش مفر والمُستقر
يوم ما القدر يكتب نهاية قصتك
يومها الندم مش راح يفيد
والمستفيد هو الزمن
ماهو ياما عد عليكـ ساعات
إنسى اللي فات ..
لحظة رجوع الوقت تاني مستحيل
ولا فيش بديل ..
ما انت الـ ضيَّعت بإيديكـ كل الفُرَص
واخترت مـ بين الخيول أعجز فرس
وراهنت إنكـ راح تفوز
عشمان ..؟؟ يجوز !!
بس العشم محتاج حُظوظ
حلمكـ دا كان يمكن شباب ..
لكنه لابس للأسف توب العجوز
من غير دليل ضَل الطريق .
خليكـ جريء ..
بُص فـ مرايتكـ بالساعات
قضّي بقيت العمر قدامها دقق اووي
جايز ملامحكـ توحشكـ
يوم ما الزمن يحفر عليها بالسنين
وتعيش سجين خلف قضبان النصيب
والهم ينسج من خيوط الذل فوق بشرتك .. بيت مـ الوهن
وساعتها بس تحس إن الموت سبيل
يا أيها الرجل النبيل ..
جَهز متاعكـ للرحيل
فات اللي فات ..
كل اللي فاضل مـ الزمن حبة فُتات
تلحق تلملم ما تبقى من بقايا الذكريات
واستنى قطر الموت وحاسب ينصرف
كفاياكـ خَرَف ..
بالنسبة ليكـ الموت شرف
أو حتى منحة من الآله
أفضَل ما تبقى بدون هدف
محسوب على قيد الحياة .
__________
محمود السيد
كل الساعات بتزن وترسم جن
طبق مية ملان بهارات
وكام عصفور فوق العمارات
وصوت مبحوح لبط عجوز
نُهام البوم على الشجرات
وكلب بيعوي تحت البيت
غراب ينعق في قلب الحيط
وصوت الوحش في الأفلام
وضلمة بتحرق السعرات
كلام مفقوس بربع جنيه
وكام موكوس بألف جنيه
صِوان مفروش بكام مليون
يبيعوا الأرض والحوارات
صوات الرعد برقُه عجيب
ونور مطفي وعتمه مريب
وكاميرا بترصد الدراويش
وهما بيجروا في الطُرقات
ما تقفل بابك المرصود
بكام ترباس وكام مربوط
لكشاف حالك المنحوس
يسوِّد في الغُنا المقامات
فلو كنت ف مداها تخاف
ما تقلع توبها.. كُلْها بحاف
وتحدف مركبك وتزوم
فتمشى في بحرك المسافات
........
وائل ساليم
لسه المشاعر..
جوا حضن الليل بيعشقها القمر
نفس السفر..
لعيون حبيبها يييجي قبليه المطر
والشوق يروح
يرجع حنين مشتاق لبوح
يكسر خيال الليل..
ويتجسم حبيبها في الصور
من غير عتاب..
قبل الكلام دابت
لما الحنين خد قلبها ارتاحت
والشوق عذاب..
والجمر متغلف بسحرِ
اتنهدت تنهيدة..
خانت نفسها ف حضن الخطر
دق الجرس..
وف لحظة صوت الحلم جواها اتحبس
والعطر جواها اتهزم..
والصرخة مكتومة النفس
واتلون القلب الجميل أحمر
وشعور بغربه ف روح بتتتبعتر
مهو فيه حجات تتحس، وحاجات تتلمس
حتى الطريق دق الجرس
.........
معتز الراوي
لكن الكلمه بتسافر ف اعضائي
تدور فيها عن معنى يجمعنا
.وتنسانا عشان نبقي
بعيد خالص
منيش رحال
لان الرحله عاوزه المال
ولاني وكما يبدو كده مني
وعارفيني
وكتير مني
فقير خالص
منيش رحال
عشان احزاني وخداني ورمياني
في مطرح نفسي افوت منه
واعدي فيه مع حمولي
ولكن مين هيمهلني
وانا حملي
تقيل خالص
منيش رحال
عشان وطني كبير جدا
ومتوزع يمين وشمال
ومتقطع حدود وجبال
وانا خايف اجول جواه
واحس بغربه تقتلني وترميني
بعيد خالص
منيش رحال
مع اني سافرت سنين
وجوايا الطرق تاهت
وشاخت في ليالي العتمه والحراس
وغبت سنين عن داري
ومشواري باخر خيط من شمسي
يشد ف ضلمتي نهاري
ربطته ربطة الملاح
واسراري وافكاري مداريها
بخاف اطلع عليها الناس
لتسرقني
توديني ف سكه ناس مترحمشي
عشان معايا كلمه حيرانه
فاسبت الناس
وبا ابحث عن طريق
بعيد خالص
منيش رحال
مع اني مبتعبشي ولا بهمد من المشاوير
ومهما تقلت الاحمال مابرجعشي
ولا ببكي
مع انه عيوني الصافيه متواعده مع الاحزان
وماتعبتش مع ان السياط تعبت
ف ايد جلاده مسكاها
في ايد دجاله شيلاها
تخبي الشمس فتعتم حوارينا
وتطوي الليل سحابه سوده ف عينينا
وتسرق كل نسمه نور تحاول تتحد فينا
وتخطف كل كلمه حق
تحاول تتولد فينا
وتخنقنا فتلحقنا ايدين منا
وتطعمنا من الزاد
القليل خالص
منيش رحال
لكن عيوني مشتاقه
تقابل خطوه مفهومه
علي البعد اللي مش عارف
بان همومنا جوانا
وقلقانا وتعبانا
وباقيه زي القهر ويانا
وطولها طول الليل
غبي و نجومه مخفيه
وام حزينه بس همومها مخفيه
و محنيه
علي لمبه ضعيف نورها
فابيزورها
كلامه غريب ماتعرفهوش متفهمهوش
لكن راسها مهزوزه
وعامله انها فاهمه
عشان علي ابنها خايفه
تخاف الرعب يحنيها
فتصرخ كلمه جوه القلب معناها
وتتالم علي حالها علي حالهم
وتتعجب علي الدنيا
لانه طالب من الموج اللي ف شطوطنا مايرجعشي
وعاوز من طيور الحب غنيوه متتقالش
فاحلم وانسجن تاني
بحريه ف احزاني
واقطف كلمتي الخايف علي لساني
واشوف حارس يناديني
يساومني علي ديني
ويديني ازازه وهدمتين دايبين
وف الاخر قلم خاين
ويطلبني اكون الناس
واكتب كل ماقالو
وارسم شكل خطوتهم
وسكتهم وضحكتهم
فاصرخ من الالم تاني
اخون الناس
وانا اللي البسمه ف عينيهم
تنسيني هموم ازمان
وانا اللي الضحكه ودموعهم واحلامهم
مرايتي وكلمتي وصوتي
واصرخ اخون الناس
فتخرج كلمتي الخايفه
نسر يطيح بدبابيره
واقول
عمري ما اخون خالص
انا اللي الكلمه سابقاني علي الترحال
وتندهني كما النداهه ف الغيطان
الاقيها علي ترس الحياه بتدور
وسابقاني صواني فطور
وتتحور تكون طلقه
وايد سابقه الحياه بالنور
تطلع فجر لسه اوانه ماجاشي
لان الحاكم الظالم
قطع الارحام ماخلاشي
وسف الدم مشبعشي
فانا لازم اكون طلقه
يا اموت خالص
************
محمد مصطفي الهلالي
