كل الساعات بتزن وترسم جن
طبق مية ملان بهارات
وكام عصفور فوق العمارات
وصوت مبحوح لبط عجوز
نُهام البوم على الشجرات
وكلب بيعوي تحت البيت
غراب ينعق في قلب الحيط
وصوت الوحش في الأفلام
وضلمة بتحرق السعرات
كلام مفقوس بربع جنيه
وكام موكوس بألف جنيه
صِوان مفروش بكام مليون
يبيعوا الأرض والحوارات
صوات الرعد برقُه عجيب
ونور مطفي وعتمه مريب
وكاميرا بترصد الدراويش
وهما بيجروا في الطُرقات
ما تقفل بابك المرصود
بكام ترباس وكام مربوط
لكشاف حالك المنحوس
يسوِّد في الغُنا المقامات
فلو كنت ف مداها تخاف
ما تقلع توبها.. كُلْها بحاف
وتحدف مركبك وتزوم
فتمشى في بحرك المسافات
........
وائل ساليم
0 التعليقات:
إرسال تعليق