فرع مقطوع من شجرة مَوّال قديم ..بقلم الشاعر / محمد علي عزب

 

غُصن اتقطَع من شجره,

 

وحوِّلوه عكاز يحسّس بيه ضرير,

 

هيستفيد اٍيه لو حصل وصوت "فريد" ؟

 

ملا الشوارع بالغُنا :

 

( آدى الربيع عاد من تانى ..

 

والبدر هَلِّت أنواره .. )

 

يا قلب يشبه أم

 

كان صدرها مليان لَبَن

 

قالت : حرام يروح هَدَر

 

وقرَرِت تنبش

 

قبر ابنها الميِّت

 

عشان تجيبه ترضَّعُه ...

 

ولم تلاقى غير تراب كان جُثِّّته,

 

بدموع عينيها بَلِّته,

 

وشكِّلِتْ منه

 

عروسه طين ف شكل فرد حمام

 

هيستفيد اٍٍيه لما ترجع م السفر كل الطيور

َ

وتغني تاني ع الشجر والبلكونات

 

وفوق سلوك النور .. ؟!

 

يا بحر هايج بالحنين

 

كل الموانى من شطوطك هّجِّت

 

كل المراكب طير أسير

 

والموج شِباك صيّاد ...

 

فما تسألوش بَحّّار قديم ليه اعتزلت ؟!

 

أو تسألوا عن ورد شايله فْ اٍيده ؟!

 

دا من جنينه فْ قلبه

 

دايما بتطرح كل عام لما الربيع بيهلّ

 

فيقطفه

 

ويلف بيه بين القبور ...

 

ويوزَّعه صََدََقه ...

 

ع اللى راح ...

 

.....

 

محمد علي عزب