اللي فاضل مني يادوب
حبّة نفس
على عضمتين
متشعبطين في الجلد
وان صرخْت ف يوم
أنفرط
زي لوح الإزاز
اللِّي انكسر
مين يا بشر
ح يطلّ تاني ف خلقتي
والخلقة حبّة م العفر
ليه يا حبيبتي
ايديكي انشف م الحجر
والغربه ف عنيكي سفر
واللقمة أحلام الغلابة
والحلم مشتاق للمطر
حبِّة غفر
غمّوا صوتي بالسكات
سرقوا من طيري الشجر
وليلي مرمي
ع الرصيف
مستني طلَّه م القمر
يا حبيبتي ..
نظرة ومدد
ردِّي لعيوني البصر
....
سليمان خطاب
0 التعليقات:
إرسال تعليق