عفريت منحوس ...بقلم الشاعر / خالد أمين شديد

 

 

الجان حررنى وخرجنى

من قلب فانوس

عمال يشرح لى وعلمنى

للخبث دروس

أنا كنت قاعد ومبطرخ

ولا ليا كلام ولا فيه مطرح

شغال بتفرج ع الدنيا

وبقزقز سوس

خدنى وخرجنى من القمقم

وقال ده شغلك ياسى ضمضم

تسرح وتشكك فى الدين

وتضلل ف البنى ادمين

وتخلى حياتهم فى الطين

بالحكمه ووسواس  مدروس

قلت له انا هاقعد واريح

واشرب لى سيجارة

وافكر هعمل ايه بكرة وبكل شطارة

والله دى فكرة

 منا العب بعيال الحارة

يتعلم يشرب ويدخن 

ويجيب ف فلوس

الواد سهانى

وراح صلَّى الفرض فى جامع

والتانى ءأذن فى ودانه

عامل مش سامع

والتالت غرقان فى  دروسه

وهيصبح لامع

حقيقى انا منهم بصراحه

بقيت ميئوس

فكرت ادخل ياحبايبى

وسط النسوان

اكيد هلاقى فيه ثغرة

ويكون لي مكان

راح ازرع فرقه وفركيشه

كما قال الجان

وفضلت اوسوس واخبط

على كل ودان

مالقيت ولا طاعه

ولاحتى ألمح اذعان

والواحدة منهم بتهينى

كده بالمحسوس

روح ابعد عنا ياغريبنا

يابو قرن جاموس

بعدين وياكم يا جماعه

تعبت أعصابى

دا انتم كنتم من فترة

أعز صحابى

ووصلت معاكم من مدة

راح تبقوا مجوس

بقى كده يتغير كده حالكم

بقى بالمعكوس

وكمان بتصلوا وبتصوموا

وترشوا فلوس

يا جنان العالم حلونى

هيفوروا دمى

دى كل اكله بتتاكل

والكل يسمى

وافضل جوعان انا طول يومى

طلعوا عين أمى

دى الاكله كانت عيش ناشف

ومافيهش غموس

والكل حامد ليه وشاكر

ولكفه يبوس

انا حاسس انى  من ادم

هرجع  ملبوس؟!

فكرت ببنت بتتدلع

بماشيه عجيبه

ملابسها حلوة ومفروشه

زى التكعيبه

انا قلت اوسوس في ودانها

تصبح لى حبيبه

اتاريها ادارت و بسرعه

لبست تحجيبه

 وبتدعى عليا اكون شارد

وكمان مهووس

 ادى راجل شايب بيقرب

ودى فرصه عال

العب فى دماغه ويخرب

ويسفّ المال

ويضيَّع حق مواريثه

ويموت فى دلال

اتاريه كان زاهد بيصلى

ولا ليه اطماع

ولاحتى ع الدنيا يغنى 

وللحق شجاع

والاقيه بيصرف يتصدق

ولربه انصاع

ورجعت مقمر فى قفايا

عبيط موكوس

بسرعه ياجدى دخلنى

ف قلب فانوس

اعزلنى كمان انا بصراحه 

شيطان منحوس

........

خالد أمين

إقرأ المزيد

على بساط شيرازي ..بقلم د. إكرام عمارة

  هٓمْسٌ غٓار مِنْ رِقٓة هٓمْسِه الغٓارُ،  وأعشاش الطير المُسْتٓجِير تٓلُوذُ باليوم الجديد ومواسم حصاد الفجر المُسٓرْبٓل بأنداء عِذٰاب تسرج خيول مُشْتٓهاهٓا ألوان بحروف زخارفها على بساط شيرازي: يستجلب العزف الكامن بلسان راهب القلب المُسٔتهٓام بحوارية استرعتْ انتباه الترتيل ونواقيس التوقُّد تدق أجراسها بعقود لاتعرف النفاد أو البكاء على مسكوب النداء ومراقص الوجد التاجي كذبيح يرفرف بين جوانحه التصبر بأجيج التشظي ومرمى السياج للروح لايهاب داجي التوقع ودفتر اليقين سطوره منفحة بشذرات السنابل منقحة بعهود الأجران اليوسفية الآهلة بغريد طيور البوح الآيبة الرافلة بخٓفْقة الشغف المُؤٓسًِي واستنطاق رِبْقٓة الوٓصْل الغادي بِبُكْرٓةِ صُبْحٍ ونضوج مساء ساعاته تقطن أواوين الثبات وأعراس المدائن زهور بمحفل شرياني.

   لو أنك تعلم مآل الصبر؛ صهيل نخوة وبقايا شرود للفارس محفورة على الجدران.

لو تٓجرّٓعت البعثرة وشراذم اللُقٓطٓاء يأتون كالقُرادة على العِيْدان

لو تٓنبّٓهت لتٓخٓرُّصات النبوءة ماحٓجٰبتْ ودائعُ الرمال أسرارٓها، وماصلبت أوجاعي بصحائف النكران

لو تركت الجفن يسرد حكاياه

لاسترسل المداد يمخره عباب السٓبْر بأروقة الطغيان

لو تٓيٓقنتْ فِيْكٓ المٓسٓاعِي ماخاب لنوالك رجاء أو غُلِقّٓتْ بنوبات ارتحالك أبواب الميدان

لو أنك تجيد العزف على قيثار أوتارها وهج مافر الوتر الآني

لو ماأخطأتك الأماني ماكنت بكرسي الإدلاء ونٓزْف دموع الوجد ماثلا بفوهة البركان

تجرد منك إلي فأنا القاطن لقائك الحارس مزارع توليب النبض بخفقة تدق أجراس النبل.

   تُمْسِكُ بأوتار القيثار لتعزف ترانيم ضاقت عليها السيمفونيات بما كٓتبٓتْ؛ تُدخل تقاسيم تُقيم عوالم أخرى؛ تُبٓدِّل الأرضٓ وتأخذ بمجامع اللون بسماء أٓبٓتْ يوماً أن تُغادر؛ يغزوها الطير المستجير وآراب الرِدْح المُتْعٓب وشفا يأس تجواله مُمِضُ، وٓدٓدْتُه رٓدِيماً لايُعٓوّٓل عليه

أجمع كل مايٓكْسِر رديف أقدام لها على الأرض حكايا وألف ؛ تتنابعها ألباب؛ تدٓبُّرهٓا صلاة بمدخل المأمول الحزين الذي تساقطت رؤاه واحدة تلو الأخرى وصبر أيوب بالضفة الكبرى يضرب الأرض وينشد المُغْتٓسٓل يُطٓارِحُه الشفاءُ ؛ تُداعب نواظره الرائحة المُرْسٓلٓة عبر دروب الاحتساب،  والعبد الأواب يملأ النور تفاصيله.

.........

بقلم/ إكرام عمارة.

إقرأ المزيد

"بونوكيو" ...بقلم الشاعر والناقد / محمد علي عزب

 

 

فى الأصل ما كانش عروسه خشب

 

مصنوعه باٍيد وخيال نجّار مقطوع الخِلْفْه

 

على هيئة طفل بيحلم بيه

 

وبقدرة قادر بعد كدا ...

 

يتحوّل طفل حقيقيى

 

"بونوكيو" .. كان فى الأصل

 

عُقْلَه

 

اتقطعت من شجرة ورد

 

طوحها الريح فى بلاد الله,

 

شبعت حرمان وعطش ومواسم غربه,

 

وبرغم دا كله,

 

كانت شايفه :

 

اٍنها م الكائنات الحيّه,

 

احتفظت بتاريخها.

 

لحد ما جالها اليوم اللى لقت فيه

 

همزة وصل وصل ما بين شرايينها وقلب الدنيا

 

فاخضرت من تانى,

 

دبت فيها الروح وبقت بنى آدم

 

"بونوكيو" .. حلم حقيقى

 

لكل غريب سرقوا ملامحه

 

وحطوا فْ وشُّه ملامح فرع قديم مقطوع من شجره

 

ماشى فى وسط الصحرا,

 

كل شويّه يفكّر روحه, بشكله زمان

 

ويقول : افتكرى كويس وما تنسيش

 

اٍن ملامحى زمان ...

 

كانت أشجار وخريطه وبُوصْلَه ...

 

يسترشِد بيها الطير الراجع م الغربه يدوََّر على بلده .....

 

وان كان العمر اتْجَرّف,

 

لسه البذره الحَيّه فْ قلبى,

 

خليكى معايا وبكره هنوصل

 

لمنابع نهر بعيد, صورته ما فارْقِتْش خيالى ..

 

هيضخ فْ شرايينى الخُضْره,

 

وارجع لملامحى الأصليه .. . 

......

 

 محمد علي عزب

 

إقرأ المزيد

عطر الورد .. بقلم الشاعر / علي عبد العليم

فلتخبروا كل الملائك أنها

عذب الكلام ورونق الأزهار

ولتخبروا كل الحدائق أنها

كل النسيم ودوحة الأشعار

ولتكتبوا  همس الكلام لعلها

ترنو حديث العشق والأسفار 

سفر الحنين إذا بدا في بوحها

غنت طيور الدوح للأقدار 

وتزينت شجر الربيع لصوتها

حتى نمت وترعرعت أزهار 

مالت لحسن العطر فيك أريجها

والحسن في شيم الجمال عمار

والحسن في عينيك مهد للهوى

وتأوهات القلب عشق مدار

إني المحب فيك يا عهد الهوى

ومتيم عاش الجمال بعد قفار

علي عبدالعليم

الأحد 23 / 2 / 2020م

إقرأ المزيد

إنتي فين ؟!..بقلم الشاعر / محمد عبيد

 

انتى فين انا مش لاقيكى

ياللى حبك شكل تانى

يا ام ضحكة مجننانى

نفسى اوهبلك حنانى

والامان للسود عنيكى

انسى يوم نظرة حسود

واللى خان مرة الوعود

قلبى جايلك بالورود

احضنى قلبى بايديكى

دوبى قلبى فى حنانك

ليه بتبكى ع اللى خانك

د اللى ما يضحى عشانك

اوعى  يوم يصعب  عليكى

هو لو كان يوم حبيبك؟!

كان يبيعك أو يسيبك

عايشة ليه بعذاب ضميرك

فاكرة أنه هيراضيكى؟!!!!!!

صدقيني انسى اللى باع

وافردى للشوق شراع

يكفى م العمر اللى ضاع

كونى ليا انا كنت ليكى

انتى فين انا مش لاقيكى

........

محمد عبيد

إقرأ المزيد

سفينة ...بقلم الشاعر / وائل ساليم عبد الله

 

 

ما تيجي نبنى سفينة بجد

ونعمل حد

ما بِنَّا وبين كل الأشرار

ونزيد في الرد على اللي إحتد

وتبقىَ ساعتها... يا جنة يا نار

لكن الموضوع...

محسوم بالضد

من وقت غرق فرعون في اليم

يبقىَ المشروع....

كهنة سلطان أبناء العم

هما الحكام

والمحكومين

وإحنا المتاعيس

المعزولين

المحسومين

أموات ع الأرض

إخوان

أو مش إخوان

كله بقىَ لعبة نرد

على أرض الخوف

وكتاب السرد

الموت من أجل حياة الدود

الفارش فينا

بالطول والعرض

........

وائل ساليم عبد الله

إقرأ المزيد