مصر ام الدنيا يا مصر
يا نور عينيه
يا مصر
ياللي أسمك عندي.. أغلى أسم في الدنيا ديه
يا مصر
يا حساني
وسمعاني
وشيفاني
وفي عيوني.. أجمل صبية
يا مصر
يا أمي أنا ابنك
واحن حضن في الوجود يا مصر هو حضنك
ومتربي على حجرك
وخيرك يا أمه باين عليا
يا مصر
يا أرضى وأرض جدودي.. وأبويا قبليا
يا تاج على رأسي.. ولأبني ولأحفادي معايا وبعديا
يا عمه وعصايا
وزديري وجلابية وعباية
مليانة
نخوة ورجولة وشهامة
وعزة وكرامة
يا طرحة وخلخال وحلق بدلاية
وملاية لف وفستانك الستر من الله
وليكي أحلى ضحكاية
لأجمل صبية
حره
عفيفة
قوية
وكلك طيبة وحنية
ومن طيبتك وحكمتك
والدنيا عارفة قيمتك
و عارفة قوتك
بقيتي أم الدنيا يا صبية
يا نخلة
وساقية
وقناية
وبرج حمام لينا غية
يا سترى وغطايا.. يا قصري.. يا بيتي.. يا خيمتي
ولو عشة
يكفيني أن فيكي أماني ودفايا
يا نخلة شموخها للسما
وجذور عفية ليا أنا
يا ساقية دايرة تجيب لنا خير.. وخيرها فضل ونعمة من ربنا
يا قناية بالحب وصلانا
وبرحمة رب كريم جمعانا
يا برج حمام محوطنا
هلال وصليب جنحاتنا
مكتوب هنا على باب بيتها
مكتوب هنا على دخلتها
ليك السلام ياللي داخلها
ليك الإمان ياللي قاصدها
عمر بلدنا ما قفلت باب
قاصد خير عندنا تلقاه
عمر بلدنا ما قفلت باب
قاصد خير عندنا تلقاه
إنما لو قاصد شر.. يا كلوك ولادها
يعلقوا رأسك على دخلتها
علشان اللي زيك لو فكر.. يعرف بلدنا وقوتها
احكيلهم يا تاريخ عن جدودي واشجيني
شوقتني لجدودي
ودمعي على خدي من فراقهم
والعرق نازل من على جبيني مغطيني
باسمع سيرتهم
يحن لحمي لمكان ترابهم
أمد ايدي وأبوس ترابهم
يمسك عرقهم في كفيني
احكي لي يا تاريخ
احكي لي واشجيني
التاريخ
بص شوف حيطانك
صوابع جدودك على الحيطان معلمين
بص في غيطانك
كعب جدك معلم.. لا قدر عليه زلزال يشقه
ولا مليون فيضان يمحيه
واسأل النيل
بص لأ هراماتك وأرفع رقبتك للسما
وفكر أي حد.. وقول.. مين ذي أنا
أنا فرع متفرع من فرع.. والفرع فرعوني
وجذوري ضربا في سابع أرض والدنيا تعرفني
أصلي من يومي
والفرع راجع لجذر
والجذر هو الأساس و الأساس مصري
والمصري عزة وفخر والفخر ليه بلد والبلد مصر
ومصر مبدائي وأصلي
مصر
مصر أرضى وعزوتي ومالي
مصر
مصر أمي وجنتي. حضن أمان ليا ولعيالي
مصر
مصر افديها بروحي
ويفضل أسمها في السما عالي
مصر
مصر امنا
وستنا
وتاج على راسنا كلنا
وعلشان مصر.. يرخص كل شئ غالي
......
ماهر نسيم
أ
0 التعليقات:
إرسال تعليق