حد فاضى..
بعد كل سنين هوانهُ..
وانتهائه من بدايته يعد دمعهُ
أو يواسى سنين عذابهُ..؟
حد رافض..
يلقى نفسه جوا نفسهُ
دايره قافله نور عيونهُ
وابتسامته ليل مخيم فوق دروبهُ..؟
حد قادر رغم ذلك..
يحمي نفسهُ ويعادلها
أو يقول لبكرا مالك
ليه فاصلنا ألف أهه..
وألف ليه واقفين ف طولنا..؟
الدواير هي هي..
بنت ماضي بيشاغلنا
والنفوس رافضه البشاير
واللي حالم لسه واقف..
يبكي فكرهُ تحت ظلهُ..!!
________________
احمد يوسف أبوالنجا
0 التعليقات:
إرسال تعليق