ساعات بحس بإني غير البشر
وإني أكيد ماشبهش للمخاليق
روحي ساعات بتضيق
وأسكت لأني كتير مش بلقى اي كلام
مكتوم ف حلقي النفس
واقنعني إني تمام
ومهما طال الحزن
زي الفرح بيفوت
متصاحبه ع الأحزان لكن كمان بشروط
في الصوره ماتلاقنيش
مع إني متشافه
أنا اللي عمري ماخاف رغم اني خوافه
خوفي بيوجعني
وكتير ف جلدي بموت
لكن بجد اكيد جوايا حبة أمل
وضعيفه اه مانكرش
والضعف لا يحتمل
فبقول لنفسي الضعف قشه تنجي غريق
وساعات قويه أوي وصبوره زي الجمل
قوه ف ساعة ضعف بتفتح المغاليق
ساعات تشوفني حمل
وساعات تشوفني ديب
بس اللي فيا غريب
ولو بجد أكيد دققت حبه النظر
تلقاني طفل برئ
.........
ولاء عدنان
صورة سيلفى لبوح الروح الشاعرة، مع دوام الإبداع ، تحياتى
ردحذف