غيبتى غاب معاكى النور
سيبتى قلبى ليه مكسور
و بيتنا صبح مهجور
ياريت كنت أنا بدالك
وابقى سعيد مسرور
غيبتى غاب معاكى النور
غيبتى أه
غيبتى
...
ف بعادك بقيت مجروح
عايش لك بنص الروح
قلبى ماعادش يتنهد
بغيابك كطير مدبوح
غيبتى وخدتى منى الروح
بعد ماغيبتى غيبتى
...
بيكى تحلى لمتنا
وانت ضيِّ نوربيتنا
ولوتاهت خطاوينا
تبقي الدليل لغربتنا
وفرحتنا وبسمه تمحى كربتنا
غيبتى وخدتى فرحتنا وغيبتى
...
كنتى حكمة الأمثال
لواقدر ابنى لك تمثال
أنا
راسمك على ايدى
وحشا قلبى
ولا ألف ومتين مثال
بادعى لك ينجيكى ويحميكى
م النسمه وم الأهوال
وتعيشى
فى أسعد حال
بعد
ما غيبتى غيبتى
...
أصيله
وصابره من يومك
ما بوحتى
لحد بهمومك
صبرتى
ع اللى أذاكى
وسامحتى
كل من شانك
يجوا
يشوفوا هنا يومك
بعد
ما غيبتى غيبتى
...
المر
فى بعادك زاد
ولا
يحلى لى بعدك زاد
لو اللى
راح كان يرجع
امتى
وفين ينعاد
بعد
ما غيبتى غيبتى
...
أنام
على دمعه ف عيونى
واصحى
بذكرى تطوينى
لفرحى
مين ها يفرحلى
ف
جرحي مين يواسينى
بعد
ما غيبتى غيبتى
...
مين
بعدك يصحينى
يفطرنى يغدينى
زى امى
زمان كانت
تقوم
بالليل تغطينى
مين
مين بعد ماغيبتى
...
ربى
مننا اختارك
لجنه
أحلى من دارك
كل اللى
سمع عنك
اتمنى
يلف فى مدارك
او كان
حتى يوم زارك
قبل
مايقولوا خلاص
غيبتى
اهه غيبتى
...
كان
نفسى وياكى اتكلم
رحلتى
قبل ما أسلم
ياريت
كنتى ودعتى
ولا
سيبتى قلبى يتألم
بعد
ماغيبتى غيبتى
...
ياما
تعبتى على شانا
ورفعتى
اسمنا وشانا
ولابعدك
دنيا تحلى لى
ومن
غيرك ينفع اتهنى؟
مافيش
غيرأمل واحد
عشمى
ف ربنا الواحد
يجمعنا
بيكى فى الجنه
بعد
ما غيبتى غيبتى
اه ..اه .. غيبتى غيبتى
.......
محمد فارس ابو عمار
0 التعليقات:
إرسال تعليق