مين اللى قال الزهر
بيغير الأحوال...؟
ولا الهروب م الفقر
ها يكون بجمع المال
دا الزهر لعبة حظ
قصر الآجل أو طال
والحُر يفضل حُر
مهما اشتكى م الحال
والندل مهمن اغتنى
يفضل خسيس الخال
................
أرضى بحكم القدر
يا مصدق الأوهام
الرزق لو ف الزهر
كل البشر هاتنام
الفرّْح قُدرة قدر
والعمر والأيام
حرام نقول الزهر
بيحقق الأحلام
ونسيب سنين عمرنا
مسجونه في الاوهام
................
الدنيا جري وتعب
وقناعه بالمكتوب
عجيبه فيها العجب
غالب يبات مغلوب
اكسب أصيل الحسب
وابعد عن المعيوب
وارضا برزق انكتب
خد عبره من أيوب
دا الحظ مهما عَنَد
رب العباد موجود
............
ادعي وقول يارب
ارزقني رزق حلال
وازرعلى جو القلب
حبك وطولة البال
قربني مهما بعدت
واحميني م الاندال
الراحه مش بالطب
ولا بالعيال والمال
دا الراحه قلب يحب
ويحايل الأحوال..؟
___________
احمد يوسف ابوالنجا
