ومهما فضلت تتسائل !!
ومهما زرعت قلب الصخر فين واصل
وإيه حاصل لضرب الصفر في الأرقام
ومهما ان كان عددها كتير
يا نبته في غيطان الملح بتقاوح
وحالفه بكل تصميمها لنشرعبير
وللتغيير تخوض في بحور
وبتسافر مع جناح المعاني سنين
جدورها حالفه لا تكلبش في لحم الأرض
وسوس الأرض بينَبِشْ زبان جدرك
وبيعلق على الشبابيك سواد الليل ستاير
بس من خوفه يبان فجرك
يا صبرك لما تسأل نورج القسوة عن الرحمه
وتسأل بِركِة الأيام .. وتتمنى تشم عبير
وتزرع نبضك الفطري ف غيطان مالحه
ورغم السم بيزاحم جدور الناب / ما هي فالحه
كفاية اللوم وجَلد القلب ينهشنا بسنان مناشير
ويفرفط في لحم الحلم /على سكه من المسامير
فلا الجهلة في جوفهم قلب فتحاوره
ولا في الراس بقايا عقل تدعيها إلى التغيير
فلا تسأل ... جدار الحلم فين واصل
وإيه حاصل لضرب الصفر في الملايين ؟؟
......
بهجت الدقميري
0 التعليقات:
إرسال تعليق