هاقولك ايه
مفيش شئ إتفقنا عليه
عملناله ف بُكره حساب
بنفتح للتسامح باب
ونقفل باب بعِند وغيره ومكابره
تقول صابر
أقول صابره
وبتحمل
وبتجمل بضحكه باهته مش ِهيا
بقاوح دنيتي وياك
وعارفه إن انت مش ليا
حقيقي بجد اسفه لك
واسفه لدنيا شيفاني
( أمينه ) اللي ماليش ديه
يا متسيد بافعالك
خلاص مابقتش أنا هي
ف ماتهددش ببعادك
مفيش ف الدنيا شئ واقف على واحده
وانا واحده
بحكم النشأه والبيئه
بريئه براءة الديب اللي قالوا بانه كٰل يوسف
ورغم إنه اتظلم لكن
لا هانوا عليه .. ولا كرِهم
وانا والله لا كرهتك
ولا انت اللي سِكن فيا
.....
ولاء عدنان
0 التعليقات:
إرسال تعليق