ولو يكمل كلامي ديوان
يكونلي الذكري والخزَّان
ويجمع ربعي من فرحي
وتلات تربع من الأحزان
وهكتب ايه في اركانه
وتصميمه وألوانه
صحيح هحتار أنا في رسمه
لكن هختار يكون اسمه
مانيش آسف ولا ندمان
مانيش آسف ولا ندمان
عشان مش قادر اتحمل
أنا الناسف لأي كيان
بيتلوِّن ويتجمِّل
وانا مكمِّل
واسئلتي عن اتغير
بتقتلني ب ليه وعشان
وتعبي النفسي على نفسي
وعالفاضي وعالمليان
دا انا نسيت ان أنا إنسان
وامتي راح يقولوا اني
فلت المره دي وكسبان
وامتي هحس وبأنني
مانيش واقف على البركان
وامتي هانام وانا بضحك
وما احلمش بسراب دخان
وامتي انا هصفي ول روحي
واكون العاشق الولهان
ياشاري الكل مين باعك
وبدِّل فرح اوجاعك
يا راوي ارض بيَّاعك
دقيقة هقولك اسمحلي
أنا اترك اللي ارتاحله
وقلبي مع اللي يرتاحلي
واكون جمب اللي يسندني
وحاجة غريبة تبعدني
عن اللي يكون سبب سحلي
ياغازل النفاق بحرير
أنا قلبي كأنه ضرير
وفجأة بصير وفتَّحلي
ومانيش راجع
مانيش شايف
مانيش سامع
ولا وزعلان
مفيش مجهود لأي جحود
مانيش آسف ولاندمان
....
محمود القصبي
0 التعليقات:
إرسال تعليق