الصبح لما أتنفس
أنا كنت وحداني
بصيت لقيت الحب
من روحه ناداني
وسكن الهوى قلبي
و روحي وشرياني
وقالي علي فكرة
بصي بقى لبكرة
وبلاش نعيد اللي فات
ونرجَّعه تاني
لقيت أحلامي ف الخيال
سابقاني
وبتقولي نسيم عطرك
يفوح من ورد بستاني
أنا الأحلام... أنا بكره
مع الأيام هاكون ليكي
وأنوَّرلك شموع ذكرى
ينور فجره ف ايديكي
تلاقي الفرح من تاني
ياضلمة الليل
مانيش عايزة
اشوف وشك هنا تاني
عايزة النهار
بشوقه يملا دنيتي
ويسعد قلبي
وترفرف مهجتي
ويفرش لي الطريق للنور
واشوف بعيوني سكتي
والاقي الصبح ناداني
ونور الشمس صحاني
ودوِّب كل أحزاني
ولما الصبح ناداني
خلاص مابقيتش وحداني
وراحت كل أحزاني
ياريت ياصبح تتنفس
تخلِّي قلبي سلطاني
......
فاطمة حامد
0 التعليقات:
إرسال تعليق