غريبة يادنيا أحوالك
يمينك ليه بقي شمالك
معادشي الصح شيء فيكي
تعبنا ولا انتي علي بالك
ليلك غريب وطويل
وفيه الظلام حالك
انتي اللي مكتوبة علينا
ولا احنا اللي جينالك؟
ساقيانا العذاب والويل
والمر يحلالك
دااحنا ضيوفك يادنيا
ليه واجب ضيافتك سم
بدل ماتسقينا الحنان
وتحاجي زي الأم
تخاف علينا تاخدنا
في حضنها وتضم
لكن هنقول لمين
ونشكي لمين ياعم
من دنيا غدارة
ورثنا فيكي الشقا
وهم ما يتلم
وانتي لا عندك رحمة
ولا حتي عندك دم
قاسية وفيكي العجب
ما بتنصفي المظلوم
ولا حد منك هرب
وبتقسي يوم عن يوم
بتقدميلنا العسل
نفتكره طعمه حلو
يطلع لنا علقم
ومر في الحلقوم
واللي يعاديكي
عاش الحياة مظلوم
صحيح غريبه يادنيا
ودااعتراف مختوم
.....
محمد جوده
0 التعليقات:
إرسال تعليق