مكتوب
علي توب الفرح اسمك
والعناوين والحكاوي كلها
ملحقش قلبي يضمها رجع حزين
فاكر عيون الضي ف طلة شمسها
ونجوم سماها وضيها
همسه خدود الليل
لمبسم عشقها ول سحرها
وهواها مكتوب ع الجبين
رمح ورماه رمشك لقلبي
صاب الحنايا وهزها
افرح وادوب
لونسمه قلبي يهزها
وارجع من الذكري حزين
أنتي وأنا وأنا وقلبك
زي الحنين والشوق
نعتب ونزعل نفترق
كما السهاري في الشروق
هدهدي في البعد عشقك
وافتحي الشباك يطل علي الحواري
قلبي عاش بيحبها ويحب ضلك
واللي فات من عمري اصله كان فاضلك
يبقي ذكري لروحي من عشقي لسماكي
خلي همس الصبح يلمس كفها
ترجع تونسها الحكاوي
تبتسم تصبح ربيع
تنتشي في حر الآهات
نضمها ونعيش ساعات
برد وسلام همس وسكن
وحاجات مخبيها ف خريفي لجل قلبك
يمكن تصبرني علي مر الزمن
**********************
محمد مصطفي الهلالي
0 التعليقات:
إرسال تعليق