عاش الشهيد
خليكوا جنبي إيد ف إيد
نهتف سوا ونقول نشيد
عاش البطل عاش الشهيد
واحنا عشانك كلنا
جايين ويشهد ربنا
حبِّك يا غالية في دمنا
واليوم دا يومك انتي بس
هنقول سوا وبأعلي حسّ
تعيش تعيش أم الشهيد
يا ام الشهيد اتبسمي
وعلى الحبايب سلمي
وبضحكِتك قومي ارسمي
فرحة ومحبة وشوق يزيد
رغم انه غايب عننا
حوالينا روحُه تضمنا
وتقولنا...
إن النهارده أحلى عيد
من قبل ما احنا نكرَّمِك
ربي في سماه بيطمِّنك
وان كان فراقه بيإلمك
كفاية ان ابنك شهيد
دمعة عيونك دي وسام
من بعدها خلص الكلام
ابنك شفيع يوم الزحام
ما هو شهيد
يا ام الشهيد اتبسمي
........
محمد عبيد
0 التعليقات:
إرسال تعليق