مصر ياللى حروف اسمك
عروق دهب عمره ماصدا
فوق الحجر منقوش رسمك
شافو التاريخ قام يتوضى
ياصاحبة اللقمه القمحه
كلك طيابه ومسامحه
ساعة الشدايد تلاقينى
شعلة نشاط عالى اللمحه
ياام الدنيا ياولاده
فيكى الأدب نور وعباده
فى ايدين ولادك ميت همه
مسكو الحجر داب م الخضه
اهل الادب عنك قالوا
شوقى ونديم صالوا وجالوا
وطه قال ويا العقاد
بيرم ليغزل مواله
اقلام كتير تشهد ليكى
ونجيب بيوصف حواريكى
وبكره ياما احفاد جايين
توصل تاريخك بموده
مصر ياللى حروف اسمك
عروق دهب عمره ما صدا
.......
سيد مرسي
0 التعليقات:
إرسال تعليق