متحبكهااش
وبرغم انك حريف أوجاع
ولكنك مليت تتبعها
قررت تمد وتسبقها
وتسد ديون نفسك ليها
تصالحها وتاخد بأديها
تهرب من قلب الكواليس
وتبان ف الكادر وتعلم
اوعاك تتصنف حد ضعيف
اللعبه الحلوه وأمثالها
الكل بيحفظ قوانينها
وبيرفع قبعته تحيه
وان كان حريف
متحبكهااش
الطيبه ف عرف الخلق غباء
أمراض نفسيه وسطحيه
ومعادله تتوه ويا رموزها
مالهاش إثبات
وسع ف حدودك فرقها
الحلم اللى استعصى وباعك
اوعاك تستسلم وأتماسك
وكأنه مجاش
اللحظه أن كات قاسية
......اويحها
وان داست اكتر كدبها
متصدقهاش
الحسبه اتقلبت موازينها
كل اللى حاربت عشان يبقوا
لملوا كل الود وهاجروا
كتبونا برغم حضورنا غياب
فمتحسبهاش
أجمع احزانك وأطرحها
م العمر الجاى هتلاقى براح
هتسد خانات
هتهد حاجات وحاجات جواك
وبرغم أنها ماتت عايشه
هتلاقى مساحه لاحلامك
هتفلتر روحك فتساعك
حرفيا هتكون لك جيشك
لو كل العالم
بقوا أعداء
......
ولاء بركاوي.
0 التعليقات:
إرسال تعليق