للشوق دموع
للحزن دموع
للحنين دموع
وللحب دموع
. ......
. دموع الحب
عايز ابكى
والدموع بتقول لمين
ياللى فرحك
اختلط بيه الحنين
شوفت مره
الفرحه طاله من عيونك
فرحتنى
وقولت فينها من سنين
فات زمان
والقهر زارع مره فيك
خلا شوك الصبر
نبت بين ايديك
والليالى العتمه
طالت والحنين
بيشد وياك الامل
لجل يداويك
مش راح انزل
م المحاجر فوق خدودك
ياعزيزى
وانا العزيزه بين جفونك
شايله ذكرى
تفكرك تبقى انت مين
لمين حتبكى
بس قولى وقولى ليه
لحب ناسى
ونبض قلبك هان عليه
وانت تغزل
شوق ليالى سنين طوال
لجل متشوف ضحكه
رايقه من عنيه
اسمعها منى
لو ناديتنى مره تانيه حقول كفايه
شوفت منه
كتير اسيه والنهايه
انا مش هزيله
لجل ماانزل يوم حزينه
فوق خدود
للحب عاشو منورين
عايز ابكى
والدموع بتقول لمين
.....
سيد مرسي
0 التعليقات:
إرسال تعليق