مش شايف
وف حضن الخوف اللي بيطرد
من جوه عروقها حدود الوطن اللي باقيلها
ركنت عمرها ف حيطان البيت
واتوضت بالصبر النايم
على باب سكتها معشمها
وقولتها يا ريت
بتعاند ضحكتها البايشة
كات ضيقة العيش
زي السكينة بتقطع شريان أحلامها
لكن عايشة..
ماكانتش بتحسب للأوقات
أو عمر اتاخد ف الزحمة
أو لسه هايجي وتستناه
وطريق بيجرجر من خطوتها
سنين العمر اللي مواعد يطرح أفراح
ماكانتش بتملك غير ضحكتها
اما بتظهر بالبالطو الابيض
والسماعة
وعمر اتعلق قدام عينها على الشماعة
ف وقت الضيق الحلم براح
بِدُعَا المخاليق
كان كل هدفها تلاقي قلوب
تتدارى ف أحضانها تساعها
يتجدد حلم بحضن جديد
غير حضن الحلم اللي خدعها
وف نفس الركن بتتكوم
وتحاجي على الوطن الخايف
بتصر بكاه تحت ضلوعها
ووطنها لا سامع ولا شايف
......
محمد الطنطاوي
0 التعليقات:
إرسال تعليق