مقفول عليه الدنيا بالمفتاح
الدنيا سجن وياما فيها بريء
داير يغني السيرة في الافراح
داير بيشحت ضحكه م المخاليق
درويش وعاش العمر يتطوح
ينهي الطريق فيسلمه لطريق
متاهات بيبانها تودي للظلمات
والبحر عايز كل لحظه غريق
جده الحسين لكن يزيد خاله
مركز لدايرة كل يوم بتضيق
دخل المقام طلع الولي و سابه
مالقاش في ساعة نحره أي صديق
ما بقاش معاه في القبر غير شاله
ما كانتش أول مرة فيها يموت
بس التابوت كان جوا حر خنيق
طلع السما جاب من سما حكايات
فوق الرصيف أموات تبيع أموات
نزل المعز يصلي في الظاهر
جاتله الخطايا تكلمه جماعات
ما قدرش يصلب طوله ع القبلة
ف ولى وجهه شطر مولانا
..........
أحمد الشريف
0 التعليقات:
إرسال تعليق