بحبك ولو فى جيبى مفيش
واحبك ولو رهنت الريش
واحنى ايديا برابك
وف حضنك ياغاليه بعيش
بحبك ياعبير الروح
ياساكنه فى الفؤاد والروح
بقولها والنجوم شاهدين
انتى باقيه والزمان بيروح
يازهرة نبعنا الصافى
ياحب ونور على كتافى
اشيلك بين عيون القلب
ولو اخر النهار ملاقيش
احبك ..س..تحاسبنى
تعلى جدار عشان ابنى
واحسك.. ج.. تدفينى
ويوم ما انسى تعاتبنى
اشوفك عيد ويلقانى
انادى بشوق يا خلانى
ويجمعنا سوى حبك
وغير حبك ياحره مليش
احبك ومهما اقول واقول
اسمك فى الضلوع موصول
تاريخك نور بيهدينى
اكمل ع الطريق باصول
اشق نهارى من ليلى
واشرب من حنان نيلك
يسلم ايدى فوق ايدك
تناولنى خضارها واعيش
احبك ولو زمانى خدعنى
وقطع فى الحنان اوباعنى
امد عروقى فى ترابك
يدينى الامان يسمعنى
يحن عليا يوم ورى يوم
ينسينى العتاب واللوم
ينور فجر ايامى
تروح عنى الهموم متجيش
احبك فجربيأدن
يشوفو الغش يتلدن
بحكمه يا حبيبة الحق
ميزانك للدهب يوزن
يالف بين قلوب الناس
ويجمع ع الطريق اجناس
ادان الحق جواهم
يكبر ع اللى عاش فى الهيش
احبك مهر عربى اصيل
وسيفى م اﻻفرات للنيل
يا ايه وبالاسم مكتوبه
وموجوده فى التنزيل
ياجنه فى اراضى الله
وباركها الاله فى علاه
وبتكبر عشانها قلوب
بتصلى بشعب وجيش
بحبك
.....
سيد مرسي
0 التعليقات:
إرسال تعليق