انا هامش
انا عايش ومش عايش
وعايزني اكون بهلول
عشان الضحكه تملاهم
تداري فراغهم المكشوف
عن الكلمه اللي فضحاهم
صحيح فعلا منيش،منهم
لكن همشي على سطورهم
وانا متعري م الواقع
ابان فالصوره قال مستور
لكن بالفعل انا قالع
عقول راحت ف دوامه
وغيرها جاى عقول ياما
تربي م الحمام الوفات تطيرهم
منيش منهم
منيش بهلول يا ساده
ولا قابل سلاطتكم
يا هوووه الملح بزياده
خلاص هبطت انا منكم
منيش بهلول
وحالف ليكوا ميت حلفان
لرجع كل بسمه فيوم
ضحكتوها وانا جويا بتقطع
مسيره جاى ليا الدور
يكون واسع واتمطع
واكشف جوهر المستور
علي زيفكم..
وتزييفكم
ولون الكذب متفصل علي كيفكم
ملعونه نفسي لو فيّ يوم تجاوركم
بكيفي وعشت بتمرغ فى الحرير اصناف
وانا درة (ت) فضايحكم
منيش بهلول
انا المسطول عشان انسي ركام الهم
وانا الشارب لخمر الزيف
عشان اصحي اذوق السم
انا نكره......
فى أعرافكم انا نكره
وانا المدبوح ومتقطع ومتوزع لميت (100) سفره
انا بعرقي مسحتوا بلاط سلاطينكم
وحكامكم
انا انسان ..
وحلمي بس عيشه امان
واكون بينكم
منيش بهلول
......
نور علي
0 التعليقات:
إرسال تعليق