لحد امتا
ح يفضل حلمنا منظر
وكل ما نروى ف جذوره
يمد العود ويتكسر
أعزف يا ناى
طير بيا على لحن لثومة
نسينى حياتنا المهزومة
وروايح وردى المسمومة
وخيوط العتمة المفرودة
على كل طريق
خلينى غريق
فى ليالى الهمس المعتوهة
يا ذكريات
وخدانا من توهة لتوهة
يا جناح أحلامنا المقصوف
يا صباح الخوف
يا صباح أشجار الصبار
الطارح فوق الشبابيك
يا صباح معدوم
مهزوم
وسايقنا من بير العتمة
وواخدنا لاعشاش البوم
حكايتنا مجدولة ضفاير
مطفية وشوشنا وبتفوت
ف غيطان الموت
فى طريق الصبر بنتزاحم
على ضى تابوت
أسكت يا هتاف
الريح خواف
وبقى له زمان
منتوف الريش
ما تفكرنيش
بآلام الطير المدبوح
بركان العطش المستنى
لميلاد الروح
وحيطان الخرس المسكون
مسموح بجنون
اتغطى ونام
عيش ف الأحلام
واياك تفتكر انك إنسان
.......
عواد مهنى
رئيس نادى أدب القناطر الخيرية
0 التعليقات:
إرسال تعليق