هي وحلة و ماشي فيها
تحضن الباقي ف خطاك
تغرس الاحلام ف لحم الطين فتنزل فتلاقيها
لفة توب الحزن مغزول من شقاك
تبتسم
فتلاقي روحك بتناديها
وتحايلها
رغم ان الريح معانده
وانت بتطاطي لهواك
لسه بتصدق عيونها
لما تترجي ف رضاك
تنسحب كل الوشوش
تتخلي عنك
تجني أشواقك فاشوش
تشهد بإنك
عشت فيها سنين متاهة
وانت عايش بس ليها
لسه راسمه عليك هواها
وانت بالروح مشتريها
تترمي ف حضن اللي باعك
تلقي خية
ومنتهاها
ليل يخونك
وانت حلمك ليل جبان
غامم عيونك
ليل ضرير
شمتان تملي ف محنتك
عمال بتحلم كل يوم
يرجع ينور سكتك
وتشوف حياتك والخطاوي دمعتين
والسكة ضحلة
هي ....وحلة
.......
محمد محمد الطنطاوي
0 التعليقات:
إرسال تعليق