مطلوب قلم
يوصف بشاعة حضرتك
وازاي وليه تبقي الخيانه سكتك
بارع اوي في الكدب وازاي مايشوفوش
كل اللي داخل جنتك ما بترحموش
سايب حقيقتك فوق رفوفك ع المشاع
والبث كان حصرى ومذاع
بس الحقيقه أنها مابنتش ليا
او للضحيه.....
كان التمن إن الأمل
جوه العيون أصبح ألم. .......
وازاي تكون جلاد وقاضى بتحترم
وعنيك حزينه بطعم زيف
وضحيتك غرقانه نوم مع كدبها
وإن جت تحس أن الحياه مش ملكها
ترجع وتفرض سطوتك على حلمها
وبقوتك مع قسوتك بشفق عليك
علشان ماعشتش زيها
أجمل معانى الحب غصبن عنها
متغمسه بدموع حبيبته ودمها
طب بص فوق ..وارفع عيونك للسما
يمكن تحس ف يوم بضعفك
جنب قوة ربنا
مطلوب قلم. ......
مليان بدم السهرانين
يكتب حكاوى حبنا
وأنا عايشه جوه الوهم عوم
غرقانه ايوة ف قلب نوم
وصحيت لقيت سكين همومِ
بتجز قلبى اللى اتظلم
مطلوب قلم
يكتبلى وصفه للنجاه
ويقولى فين الإتجاه ؟
....
مروة أشرف
بالتوفيق دائما يا مبدعة القناطر الراقية
ردحذفأحسنتى، بالتوفيق دائما الأخت الشاعرة مروة أشرف
ردحذف