مكتوب من ساعة الميلاد
ان الممات ميلاد جديد
وكل ما يفارق فؤاد
يتهز جوانا الوريد
بحروف سايبها منوره
تحكى مشوار الحياه
اللى عاشو وهوَّا لينا
ضحكه فايره بقهقهاته
فى عمر عاشه..
تغزل الأيام حكايه
مضفره بعروق اهاته
وهوَّا مربوط بالحياة
تاخد الريح وياه وبتدى
واحنا فى الدوامه جنبه
وعيونا على بر النجاه
بص ..شاور من بعيد
وصوته رايح للسما
وهوَّا معاه
بحكمه توصل للوليد
اعمل حسابك ياابن ادم
الدنيا بوابة عبور
لجل آخرة ودي الحياة
جوَّه جنَّه ميزانها وازن
كل ركعة في الصلاه
ويَّا دعوة ف كل سجده
تبقى طوقنا للنجاه
....
سيد مرسي أبو زيد
0 التعليقات:
إرسال تعليق