شوفت ام بتبكى.... مرة
قولت اقرب منها واسال
ليه بكاكى كتير يا سمرة
فين وليه وازاى بيحصل
بصت الست......... بغرابة
انت يا ابنى قولت ايه؟!
قولت بسال.... وبطيابة
انتى بس بتبكى..... ليه
جاوبت الست بدموعها
كنت قاعدة بين ...ولادى
بنتى بستنظر ..رجوعها
والولد بقى عنده عادى
مرة شاغله ماتش كورة
مرة تانية ....مسلسلات
مرة بنت وجوا صورة
كان معاه ليها حكايات
عادى جدا ده.. بيحصل
ليه بقى بس.... الدموع
يا بنى فكر لما ....تسال
ولا امشى بدون رجوع
انت مش عايش ....معانا
انت ليه مبسوط .....بجد
روح بقى للى ...... .آذانا
خلى بينا وبينه........ حد
قولت اه ! قصدك عيدانا
اللى عملوا بينا ......سد؟!
لا يا ناصح م اللى ..جانا
منكم..........ما لقيتش رد
قصدها ايه......... الولية
فكرى تاه ... واحتار دليلى
وابتديت اخبط.... أيدية
قصدك ايه طيب قوليلى
طبطبت ع الأرض ..فرشت
شال طويل كان تحت منها
اقعدتنى لما ..........حست
انى شايف خوف فى عينها
قالت الست........ بصراحة
انت مش حاسس بحالى
قمت رادد .......وبوقاحة
حالك ايه ..انا بس مالى
فاجئة راحت مدة أيدها
جوا كيس مليان عيدان
طلعت واحد....... بايدها
انكسر فى ايديها.... لأن
فضت الباقين ....قصادى
جمعتهم خمسة ....ستة
قالت اكسر قولت عادى
بس عدى..... حتة حتة
واما خدت الحزمة منها
وابتديت اكسر واحاول
طبطبت على أيدى عنها
يعنى انسى انى طايل
كسر شيئ محمى بمثيله
زى بنيان...... مرصوصين
والوحيد دايما يا..... ويله
لو عيداه ........متجمعين
هو ده يا ابنى اللى زاد
الدموع جوا..... العيون
فرقة مع قسوة وعناد
موِّتوا غصن الزيتون
موِّتوا غصن الزيتون
.....
محمد عبيد
0 التعليقات:
إرسال تعليق