أنا جايه أقولك
ع اللي فات ألفين سلام
مات الكلام !
ولا عادش ينفع فيه عتاب
ليه كٌل مره نقول غياب ؟
فِعل الزمان وإحنا الضحايا المظلومين
مابنعترفش بإننا دايماً سبب
وإن إحنا مُستصغر شرر
لمُعظم النار .. والغضب
أنا مُش ملاك
ولا جايه أبادلك إتهام
أنا جايه بس أقول سلام
وأنزع من النار الحطب
ماعدش يجدي خلاص عتب
وإللي مابينا وإنكسر
أو راح لا يُمكن يوم يعود
أنا جايه أقول حُضنك ربيع
قتل الخريف فيه الورود
إزاي إيدين كانت بتتمد بسلام
تترد مغموسه ببارود ؟
أنا جايه لاجل إني آعتذرلك
عن وجودي وعن غيابي
وإنعزالي جوه نفسي
وأني أحسنت الضيافه
لحُزن روحي وإكتئابي
وقفل بابي ف وش كلمه
تبني فيا حد غيري
أو تغير في النهايه
بعتذرلك وقت ضعفي
إني بحتاجلك معايا
وإني رافضه إبقى مِنك
وإني بعلن إنسحابي
............
ولاء عدنان
0 التعليقات:
إرسال تعليق