هافضل أحبك
لما ينتهي عمري
صادق في حبك وعاشق
زي ساعه الموت
حبك فريضه وحيدة
ولحنها اسمك
حبك حقيقه جليه
ضد اي سكوت
انتي الميلاد والحياة
العشق والملكوت
انتي الأميرة الجميلة
في الصدق من يومك
انت اللي باقيه فريده
في الوجد والتوحيد
اشهد بحبك عليا
من ميلاد قلبك
يشبه لروعه يناير
يملا الميدان عناقيد
ثوار بلون الشفق
اتوحدوا ف عشقك
ثوار جمعهم هواكي
قبل الميعاد بسنين
نشيد و وحد هتافهم
واتفرقوا مواعيد
غرقوا في بحرك حيارى
موج البحور أناشيد
ولحد اخر نفس
ف العشق كان وحيك
أو زي نبره سكوتك
للحزن والتسهيد
بيسالوني الملايكه
قلت وما خوفتش
عشقك ف دمي الوفا
حبك في قلبي وحيد
وحقيقة زي الصلاه
وفريضه زي الصوم
والجنه لحظه رضاكي
لما قيامتي تقوم
..............
محمد الهلالي
0 التعليقات:
إرسال تعليق