هوَّا صحيح ؟!
عنده جنينه فْ حِتّّه فْ قلبه
ماحََدِّّش غيرهم يعرفها
بتطرح ورد
عبيره بيرسم طيفها
يعمل للقلب خداع بصري
فيفضل فاكر طول العمر
اٍنه شايفها
وانها ممكن ترجع
زى ميعاد الطرح ما يرجع
بعد غياب
للأشجار
اللى اتقطعت خِِلْفتها
والاّ صاحبنا فْ قلبه مشاعر ؟
مدفونه بقي لها زمان
محطوطه فْ خَزْنه مصدِّيه
بين الشرايين
مقفولة ببصمة صوتها
أول ما قابلها ..
طلَّع كل المدفون ف القلب
ورماه قدامها
وارتاح من حمل تقيل
واهو خَفّ
واتبخَّر كل الدمع
اللى بقى له
16 سنه مش راضى يجفّ
من المنديل ...
.........
محمد علي عزب
0 التعليقات:
إرسال تعليق