عريش الدار
بيروي القلب والأشعار بلمتنا
ويحكي قصه من بيتنا
حكايتنا
حنين الخضره والنوار
لطين الأرض
وفاهم يعني ايه اختار
ما بين نفسي وبين العرض
ده سنه وفرض
كما عزم الرجال شادد
عل الخائن يقيم الحد
ما انا اللي بجد
بشوف جرحي في عز البرد يتجمد
وبتشهد علي روحي
عشان في حياتي متهدد
بابيع في دمايا وبسدد
فاتورة حبي يا بهيه
عشان احلامي منسيه
ف وسط الضله ليه محموم
وكان مفروض اكون محمي
ده واضح أن انا مظلوم
بيشهق فيا دمع امي
يجوز اسمي
مكانش ف صفحتك فايت
وكان يشبه طبيخ بايت
بقا حمضان
ما انا من ريحة الغلبان
ومش عتريس
نحيف واللقمه عندي رغيف
انا الخارج عن التصنيف
اكون انسان
جراحي الغدوه للغربان
انا زارع بشالك ورد
لكن جسمي هنا عريان
انا الدومينو اللي قفلت سد
وبعت خساره كل مكان
انا الجرح اللي فاق الحد
لا متغطي ولا عريان
وبتهجا في مرارك صبر
لكن ليا حقوق فيكي
بقيت دمعي ومتر القبر
.........
أبو سلمى الشاعر
0 التعليقات:
إرسال تعليق