وجايز بعد ما نفارق
نقابل ناس
بتشبه روحنا بالمِللي
يجوز جداً
ألاقي ضِلي في عيونهم
وأشوف روحك في ناس تانيين
ف دعوة أمي وقت الفجر
الاقي قلبي بيردد وراها امين
ودعوتها سفينة نوح
وقشايه تنجيني
ونور ساطع
ف وسط العتمه فاضلي
أيا خلي ماعادش أمان
مفيش إنسان
يخاف فعلاً على انسان
فيوجع فيه
أنا محتاجه لما أخاف
الاقي ايد تطبطب فوق كتاف همي
لحد ف شدتي الاقيه
بيشبه أبويا ساعة الجد...
ف اتسند بقلب عليه
يا حضن ماكنش بيساعني
أنا احتاجتك تقويني
تخليني اعيش ضعفي معاك عضلات
تكون فرحي ف وقت الحّزن
دموع عيني ف قت عياط
فمن دلوقت
عشان مايضعش منا الوقت
وتقدير فعلي للمسافات
ماعدش مكان خلاص فيا
لكرباجك يلسوعني
...................
ولاء عدنان
0 التعليقات:
إرسال تعليق