بحلف ويمين مش عادى
انا قلبى قفلته بإيدى
و إللى هايقرب منه
راح يبقى فى حبى شهيدى
قلبى و ملكته فى إيدى
وقفلت الباب لوريدى
لاهاتطلع منه مشاعر
ولا يضعف من تنهيدى
أحاسيس قلبى محميه
م أنا أصلى عزمت النيه
حبى هاخبيه فى عنيه
لا أنا هاهرب من مكتوب
ولاهاسمح قلبى يدوب
ولا نار الشوق تكوينى
ولا قلب جرىء يأذينى
بحلف ويمينى بدينى
من تانى هاعيد تكوينى
أنا قلبى ده مش سناره
ولاسمكه فى صيد بحاره
ولغدر الحب انا عندى
يجى ستين الف أماره
لقلوب قاسين وقويه
فاكرين الغدر شطاره
كام عاشق بقى مدبوح
والقلب إن كان مفتوح
هايضيع فى العشق خساره
قصص العشاق حفظاها
وجروحه كمان عرفاها
والظلم اللى فى حكاياتها
شد مشاعرى وقوها
أصل المسالة حسباها
قرراتى كمان حسماها
نار الأشواق لاتقرب
ولا قلبى يدوب فى هواها
----------------
سميرة الإسريجي
0 التعليقات:
إرسال تعليق