انتي زي الشمس دافية
وانتي زي الصبح صافية
وانتي زي الليل هدوءه
وانتي زي البحر عافيه
وانتي طير عالي وجناحه
فاردو ع الدنيا ف صباحه
وانتي احبابي اللي رجعوا
وانتي احبابي اللي راحوا
انتي عز الفرحة طيبة
وانتي عز الخوف قريبة
ساكنة جوه القلب دقة
من معانيكي طبيبة
داوي جرح الشوق وغربة
قربي هاتي النهار
فكي عن احلامي كربة
والكرب بعدك كتار
لو أطول البعد عنك
هضربه مليون عيار
كنت ماشي في دنيا تانية
رددوا اسمك عليا
فوقت والاشواق في ثانية
حسها طبطب عليا
خدني ظني ليوم بعدتي
شوفت طيفك عندي جاية
واتولدنا
واتعهدنا
تاني نرجع للي كان
نقلب الاحلام حقيقة
نقلب الخوف للامان
لكن اللي يروح في دنيا
صعب يرجع كيف زمان
اختصار قصة حياتي
حد قرب للجنان
.......
هاني عبد الوهاب
0 التعليقات:
إرسال تعليق