وليه احلم
ما دام الحلم
مش قدي ؟
وأشوف بكرة
بعين سالت
دموعها فوق
حدود خدى
وتبقى حياتي
لون باهت
برغم ما لونها
كان وردى
سنين عدت
عليا كتير
باعاني فيها
أحزاني
تعبت .. زهقت
م التفكير مع قلبي
عشان بيِـعاني
من الدنيا اللي
سارقاني
ووخداني
ما بينها أسير
ثواني الوقت
بتعدى
ما بسمع فيها
صوت نبضي
باقول للحزن
يوم عدي
ده قلبي اتهد
م التكسير
حياتي ما شوفت
ضحكتها
دقايق فرحي
عديتها
جراحي
عمري ما نسيتها
وحزني جوه
قلبي كبير
تملى البسمة
فايتاني
وناسيه الضحكة
عنواني
ده أنا المسجون
في أحلامي
وأنا الميت
بدون تفسير
.......
خالد عبد السلام
0 التعليقات:
إرسال تعليق