يا ست الحسن
ليه الحسن غار منِّك
عشان ضفايرك شجر
والبدر من نِنِّك
ولا عشان ضحكتك
في اللفة بنُّوتة
والنسمة في خطوتك
ف السكة حدوتة
تحت الرموش ضلَّة
بتزغزغ التوتة
طير م السما يشقشق
مع ألف زغروتة
وتر الربيع يعزف
على خدك المواويل
والنجمة أم العباية
فيها الخطوط قناديل
فوق الجبين ترقص
في الزفة والتراتيل
معذور في غيرتك يا حُسن
ده عيونها جوز زغاليل
نبع العسل ف الشفة
والشفه بيه بتميل
والبسمة من رقتها
تهدِي الورود أكاليل
والليل على كتفها
كحل العيون وصفها
سوق الصبايا عليل
....
سليمان خطاب
0 التعليقات:
إرسال تعليق