ياللى رايح...
ياللى جاى ..
ياللى سامع
حاول في يوم
تسمع ندا
قلبى الحزين
إنك تداوى المجروحين
انك تطبطب ع الغلابه الشقيانين
المحرومين
جرب تحس بيتمهم
سارع وجيب كسوة لهم
شارك وفرَّح قلبهم
جرب ف يوم انك تنام
من غير لا فرش ولا غطا
ف ليل الشتا
وده حال أولاد الشوارع
مفيش اي سقف مانع
برد الليالى المؤلمة
ولا فجر طالع..
فجرهم ينزف هموم
على جرحهم
قتل البراءه ف وشهم
يامين يداوى لقلبهم
جرح السنين
هما الغلابه الطيبين.
المكسورين من الزمن
أب مدمن للكحول..
أم دايقه مرار وذلّ
عين وفيها اليتم طلّ
قلبهم مكسور حزين
وهما ايه كان ذنبهم
كان النصيب والقدر
كاتب لهم
الشقى.........والانكسار
كان لابد من قرار
علشان نغيَّر وضعهم
وكمان نلون حلمهم
نبنى مكان ونضمهم
يتعلموا..يتثقفوا...يتنوَّرا
مشاريع كتير هيدوروا
من نفسهم هيطوروا
على حلمهم هيرسموا
الشمس اللى غابت عنهم
تشرق امل...م المحتمل
راح يصبحوا م الآمنين
ف الطريق المستقيم
و هوه ده حلم السنين
ياريت بقى نتجمعوا
ونشيد الصرح العظيم
ونلم اولاد الشوارع
الغلابا المجروحين
يلا مدوا أديكوا يلا
نبنيلهم الحصن الحصين
/يامنه رفعت اليمنى
0 التعليقات:
إرسال تعليق