صُبِّ الدفا
و افرد جناحَك يا نهار
أصل القمر
خاصم عيون حضن السحاب
رافض مكانه في السما
لوحة بـ ترسمها السنين
يا بحر فين
شَطـِّ النجوم
تاهت مراكب رحلتَك
جفِّف دموعك يا نسيم
بطـَّـلْ تمد جوه الوريد
طعم اللقا
لساك بـ تروي في زرعتين
ماتوا بـ صبرك ع الجراح
قلبك دا شاخ
راكن بـ عكاز الأهات
إكمنه بات
جوه ساحات الانتظار
إطلق سراح نفسك
عشان تقدر تعيش
قيس البراح قبل الأوان
لـــ الضيق يهل
اوعاك تمل
أو حتى تسمح بـ الرجوع
ثَبِّت خُطاك
شُق بـ إيديك سور الضلام
افتح زنازينَك بقى
اطلع و عِدِّ
كام حلم فات
لاجل انتظار
طعم اللقا
بَطـَّـلْ تئن
صوت الأنين
راسم ملامحك شخبطة
الليل بـ يسرق ضحكتك
ناوي يلتِّم لك نهار
يكسر جدار
النور في عتمة سكتَك
سَجِّلْ حضور
قبل انتهاء وقت السماح
عافر بقى
فُكِّ الحبال
اقطع في شريان الجراح
لملم في شريان الحياة
ازرع أمل على أرض بور
ترسم إيديك شكل الخضَار
كرمش في أحزانك و قوم
ارمي وراك الإنتظار
.....
بهاء ابو آدم
0 التعليقات:
إرسال تعليق