كتير كدبت وقلت لي
إنك قوي بتحبني
و انا قلبي طيب صدقك
و امَٓا فى لحظة احتاجت لك
مدِٓيت إديا .. سبتني
أستاذ كبير ..
علمتني
إن الحياة مالهاش أمان
و الحب موضة و كان زمان
و حبي لك كان بالخطأ
و انا مستعدة أصلحه
و اقفل على قلبي بحجر
و اللي يهوِٓب ناحيته
راح اقوله شطبنا و جبر
يا اللى ببساطة خنتني
أنا باشكرك علمتني
إن الحياة مليانة غش
و وشوش حقيرة بألف وش
أستاذ كبير علمتنى
الحب مش كلمه بسذاجة
الحب حاله ملخبطة
فيها القلوب متشعبطة
ضمِٓة فراق
ضحكة والم
فرحة و ندم
هجر و لقا
بين دمعتين
واقفين يشاوروا للامل وقت الغروب
وبيسالوا رايحين لفين
.................
مرفت شوقي
0 التعليقات:
إرسال تعليق