معرفشي قلبي
يقدر يقولك ايه
كل اللي عارفه
اني كرهت لقاك
ماعادش قلبي
يقدر ينجرح تاني
ولا لسه قادر
يصالح الايام
كل اللي شافني
شد علي ايدي
طبطب علي كتفي
وسابني ف الم وسكات
قلبي اللي عدي فوق آلامه
واتهزم بدري
سندوه بصدمه كهربا
وبتلت دعامات
انا اللي شفت الحقيقه
غمضت عيني عليك
ولما لمست جروحي
سيلتها اهات
كان بدي اسال قلبها الجاحد
لكنه من ظلمها
قلب الشهور كان مات
ولا الحنين في الشهر ده غلطه
حتي السكوت ع البرد
مش انصاف
قلبي خرج من محنتك تايب
كل اللي فاكره
دمعه من ورا الابواب
وقهر روحه لما شمسها كدبت
سبتمبر انت اول الاسباب
اللي كتب في بدايته احزانك
ونهايته موت الزعيم
وف وسطه كم اهات
مش زي ديسمبر ولا اكتوبر
ولا حتي فيه معجزات
بتعدي ف برامهات
يناير المحجوز لاسرارك
زي الربيع للشجر
والورد والفراشات
كان زعقه عاليه واخيره
بتسابق الاصوات
تشبه وابور السفر
في رحله الأموات
....
محمد مصطفى الهلالي
رائع كالعادة
ردحذف..طارق فؤاد..