الشوك بيمد إيديه
ويقرب
ودموعي بتتسقط منى
مع إنى واقف
وسط الناس
واحلامى بتتشعلق
على شجرة صفصاف
بتشاور وتحاور
أغصان الحب العاشقة
المعشوقة عناق
وقلوب عطرانه
ومليانه بأجمل إحساس
والشوك بيمد إيديه ويقرب
ويبخ الريح
علشان مايعكر
صفو الأنفاس
و الأعمى اللى صاحبنى
سنين
وخد منى
و إدانى حنين
ونقش أفكار سهرانه
فى عقول حيرانه
ورسم للروح متاهات
فى بحار الفكر عوالم
ويااااعالم فى زحام وهموم
لما تجرب معانيه
هاتوه فيه
وعناكب تجرى فى
شرايين الهربانه
ولا تدرى
الشوك دا عليك
والآ عليه
مش عارف إيه جا ى
و لا عارف مين حواليه
غير دمى اللى بيصرخ
فيا
ويخبط فى بحور شرايينى
ويرفرف زى الطير المدبوح
صافى
طاهر
وصريح
أبيض لون المولود
ناعم
ولا يتحمل شوك
و لا يتحمل يسكت
و لا يتحمل يسكت
مايبو ح
........
نجاة مبارك
0 التعليقات:
إرسال تعليق